Dohe – Couplets – Yeshu Naam Pukaar | Anil Kant | Lyrics

Yesu mukti marg hai, Yesu hai udhaar
Andhkaar se taar de, Yesu naam pukaar… re bhai

Ek baat mann mein rahe, Prabhu ya jag ka pyaar
Dono sang na reh sake, suraj aur andhkaar… re bhai

Dhan se prem na kijiye, sab lut jaayega
Swarg mein jodi sammpati, chor na khaayega… re bhai

Mayaa nagari chodd ke, jaana hai us paar
Jo bhatka bhatka rahaa, kabhi na paaya saar… re bhai

Jisko saccha sukh mil jaaye
Woh jhoote ki or na jaaye

Jag ke aise gorakh dhande
Andhon ko haanken hain andhe

Roop sanwaara, ang sajaaya
Ant samay kuch kaam na aaya

Jisne jeevan amrit chakhaa
Us khaatir jag mein kya raakha

Laakhon ko nyota mila, par thode hi aaye
Roti uske haath ki, koi birlaa hi khaye… suno ji

Yesu Mukti marg hai (2)